ՀՀ քաղաքացիություն եւ Կացություն

​

Հայաստանի կացության կարգավիճակ՝ «ամբողջական փաթեթով»

​

Հայաստանի Հանրապետության կացության կարգավիճակի ստացումը «ամբողջական փաթեթով» ենթադրում է հաճախորդի համալիր իրավական և վարչական ուղեկցում կացության կարգավիճակի ձևակերպման բոլոր փուլերում՝ նախնական իրավական գնահատումից և փաստաթղթերի պատրաստումից մինչև դիմումի ներկայացումը լիազոր պետական մարմիններ և հարակից ընթացակարգերի ուղեկցումը։

​

Ուղեկցումը սկսվում է դեռևս հաճախորդի՝ Հայաստանի Հանրապետության տարածք մուտք գործելուց առաջ։ Այս մոտեցումը հնարավորություն է տալիս նախապես որոշել գործողությունների օպտիմալ հաջորդականությունը, կրճատել պետական մարմիններ այցելությունների համար անհրաժեշտ ժամանակը, նվազագույնի հասցնել կազմակերպչական ռիսկերը և ապահովել փաստաթղթերի ձևակերպման առավել կանխատեսելի գործընթաց։

​

Մինչև հաճախորդի ժամանումը մենք իրականացնում ենք իրավիճակի նախնական իրավական գնահատում, կազմում ենք անհատական գործողությունների ծրագիր, պլանավորում ենք պետական մարմիններ այցելությունների հնարավոր ժամկետները, նախապատրաստում ենք անհրաժեշտ փաստաթղթերի փաթեթը, ինչպես նաև անհրաժեշտության դեպքում աջակցում ենք բնակարանի վարձակալության, բնակության համար հարմար տարածքի ընտրության և վարձատուների հետ նախնական հաղորդակցության հարցերում։

​

Բազային փաթեթը ներառում է՝

• Հանրային ծառայությունների համարանիշի / սոցիալական քարտի ստացում,

• անձնագրի նոտարական վավերացմամբ թարգմանություն,

• անհատ ձեռնարկատիրոջ / ԱՁ գրանցում,

• բանկային հաշվի բացում, ներառյալ՝ հաճախորդի պահանջներին համապատասխան բանկերի ընտրության վերաբերյալ նախնական խորհրդատվություն,

• կացության կարգավիճակի համար անհրաժեշտ բժշկական տեղեկանքի ստացում բժշկական հաստատությունից, 

• կացության կարգավիճակի համար փաստաթղթերի ներկայացում,

• աջակցություն բնակության վայրի հաշվառման գործընթացում։